cynulleidfaoedd
Mae rhoi terfyn ar gosb gorfforol i blant yn fusnes i bawb. Mae’r adran hon yn edrych ar wahanol gynulleidfaoedd ar gyfer y pwnc, sut i’w hannog i feddwl am y materion a’r hyn y gall pawb ei wneud i roi terfyn ar gosb gorfforol i blant. Dewiswch y gynulleidfa y dymunwch weithio gyda hi, yna edrych drwy’r awgrymiadau am y math o waith y medrwch ei wneud a pha ddeunyddiau sydd ar gael i wneud hynny.
Mae’r cynulleidfaoedd a ystyrir fel sy’n dilyn:
- Plant
- Pobl ifanc
- Rhieni, teulu a gofalwyr
- Gweithwyr proffesiynol sy’n gweithio gyda theuluoedd, plant a phobl ifanc
- Hyfforddwyr ac addysgwyr sy’n gweithio gyda gweithwyr proffesiynol heddiw ac yfory.
- Sefydliadau, gwneuthurwyr polisi a rhan-ddeiliaid.
- Y cyhoedd yn ehangach
Meysydd neilltuol o ddiddordeb yw:
- Casglu gwybodaeth ac agweddau am gosb gorfforol
- Pam nad yw cosb gorfforol yn iawn
- Pam fod angen newid y gyfraith a chymryd rhan mewn ymgyrchu
- Rhianta cadarnhaol
- Creu diwylliant ac amgylchedd sy’n parchu plant a phobl ifanc ac sy’n atal cosb gorfforol
Medrwch wedyn ddefnyddio’r wefan i ganfod y deunyddiau a argymhellwyd. Rydym wedi grwpio’r deunyddiau yn ddau fath. Adnoddau yw deunyddiau a ddatblygwyd gan grwpiau arall. Mae adolygiadau o bob adnodd ar y wefan gyda gwybodaeth ar ble i’w cael. Mae rhai ohonynt ar gael yn rhad ac am ddim, yn aml fel ffeiliau PDF y medrir eu lawrlwytho o’r Rhyngrwyd. Mae eraill ar werth. Gweithgareddau yw deunyddiau a ddatblygwyd gan ‘Sdim Curo Plant!/Children Are Unbeatable! yng Nghymru.